Kantik Itron Varia Rumengol
evit an ton klikań amań : http://perso.orange.fr/per.kentel/kantikou/itron_varia_rumengol1.htm
I
Lili arc'hantet o delioł
War ribl an dour 'zo er prajoł ;
Doue dezho ro-as dilhad
A skuilh er maezioł pep c'hwezh vat.
diskan
Itron Varia Rumengol, Gwerc'hez galloudus, remed-oll,
Roit deomp hirio, en an' Doue Yec'hed ar c'horf hag an ene.
II
O Rumengol, pell amzer ' zo, C'hwi eo boked kaera hor bro ;
Pep rozenn goant, pep lilienn / A zo disliv en ho kichen.
III
N'eus elestrenn ebed er prad A daolfe kement a c'hwezh vat ;
E Leon, Treger ha Kerne, Ganeoc'h e klever c'hwezh an neńv.
IV
Bleuniań ' rit c'hoazh en ho kozhni E liorzhig goudor Mari ;
Rah hor mamm dous n'eo ket hedro Pa gar ur wech eo 'vit atao,
V
War an Arvor, gant ar Werc'hez. Oc'h bet lakaet da rouanez ;
Rumengol eo he merc'h hena Ganti eo karet ar muiań !
VI
Hon tadoł kozh a oa kousket E teńvalijenn ar pec'hed :
Maro, war roudou peb hini... Ifern euzhus o tigeriń...
VII
War ar maen ruz e skuilhed gwad, Hag er Hrannou, e-kreiz ar hoad,
A zindan dervenn Teutates, Tud ' veze lazhet heb truez.
VIII
Tec'hit doueoł digalon, Setu Gwenole ha Grallon,
Tec'hit, tec'hit... War ar maen ruz Eo savet chapel mamm Jezuz.
IX
E-lec'h ar gwad, dour a vuhez A red en iliz ar werc'hez ;
He c'halon eo an eienenn Ne vezo disec'het biken.
X
E Rumengol ar perc'hirin A bedo stard war e zaoulin,
A welo a-dreuz e zaeloł Evel digor lez an Neńvoł.
XI
Ma salud teir gwech an aoter En ur adoriń hor Salver,
Teir gwech e vezo benniget Gant tri ferson sakr an Dreinded
XII
Ma ra seizh gwech tro ar chapel Gant Ave an ael Gabriel,
Mari hen diwallo bepred Diouzh Satan hag ar seizh pec'hed.
XIII
Ha ma tegemer an osti, E galon ennań o virviń,
Ouzh Jezuz e chomo stag mat : Etrezo birviken kimiad.
XIV
Perc'hirined, grit evelse, Kaout a refot grasoł Doue
Hag e vec'h deuet en eur leńvań, C'hwi ' yelo kuit en ur ganań.
- Kantik Sant Alar (ar gomun tost da Hańveg) a vez kanet da Yaou Bask, deiz pardon ar c'hezeg ha pergen e-pad ar brosesion 'vez etre ar gousperoł ha bennigadur ar c'hezeg.
War don : Pange Solemnes
Diskan : O Tad Sant Alar, Patron ker hor parrez,
Ni deu d'ho meuliń hirio gant Ievenez ;
Selaouit bepred hor mouezh, hor pedennoł
Eus barr an neńvoł.
I - Dre ho lealded, ho labour ijinus,
E lez ur roue bras c'hwi deuas galloudus
Dre ho kwir furnez, mignon bras da Zoue,
Ha Sant bras ive.
II - A wall gleńvejoł alļes hor loaned
Dre ho pedennoł a zo bet pareet ;
En amzer da zont grit c'hoazh dre c'hras Doue
Ma kavint pare.
III - Skouer ar gristenien amań war an douar, Patron galloudus en neńv leun a c'hloar,
War ho pugale pedit Doue da skuilhań
E c'hrasoł gwellań.
IV - Grit ma karimp Doue dreist an holl draoł krouet
Dreist deomp hon-unan, dreist an holl dud er bed ; Hag eus ar pec'hed dre nerzh ar garantez
Ma tec'himp bemdez.
V - Grit ma vimp bepred tud eeün, tud leal,
'Veldomp hon unan ma karimp an dud all,
Ma ro/imp d'an holl dre hor madoberoł
Skouer a vertuzioł.
VI - Grit ma vimp sentuz da lezennoł Doue,
Da vouezh an Iliz ma vimp sentuz ive ;
Rag sentidigezh hervez an Aviel
A ra buhez santel.
VII - A hed hor buhez, bemdez var an douar
Ni dle labourat, gouzańv poan ha glac'har,
Mez poan ha labour gant Doue benniget,
Zo frouezhus meurbet.
VIII - Grit maz ay un deiz d'an neńvoł d'ho meuliń, Da veuliń Doue hag ar Werc'hez Vari,
Da veuliń ar Zent, da veuliń an Aelez,
Holl dud ar barrez.
- Kantik Sant Pźr Irvilhag (iliz-parrez)
War don Kelven pe Breuriezh ar feiz
Diskan : Sant Pźr, prińs an Ebestel ha vikel Hor Salver
Bezit 'vit Irvilhagiz un tad, ur patron ker.
Pe(o)gwir eo fiziet ennoc'h alc'houezioł aour an neńv
Ni esper 'vo digoret an nor d'ho pugale.
- E Kźr vihan Bethsaļd, en ur familh dister,
Eo e teuas er bed-mań an abostol Sant Pźr.
Kuzhet e vevas eno betek an deiz eürus
Ma voe choazet ha galvet da vont da heul Jezuz
- Pa 'z eas, ar wech kentań, da welet Hor Salver
Digantań e resevas ar gwellań degemer
Neuze ivez gant Jezuz 'voe cheńchet e anv
Ha "Pźr" vo a-c'houdevezh an anv a zougo.
- Sant Pźr, gant e feiz nerzhus, un deiz a zisklerie
'Oa Jezuz, e gwirionez, ar C'hrist, Mab da Zoue.
Raktal, e vestr benniget a lavaras d'e dro :
Te 'vo maen-font va Iliz ; netra n'he diskaro !
- Bemdez, o Patron Santel, ni 'wel an dud difeiz,
Kounnar an diaoul 'n o c'halon, o taga an Iliz.
O ni ho ped, deuit buan, deuit buan d'he difenn ;
Gant ho skoazell e trec'ho he holl enebourien.
- Sant Pźr a nac'h, un devezh, e Vestr hag e Salver,
Mes ne ro ket, 'vel Judaz, digor d'an dizesper.
Kerkent ez eo pardonet e bec'hed ken euzhus.
Na bras eo an drugarez e Kalon Sakr Jezuz !
- Sant Pźr en deus labouret evit ar feiz kristen
Betek gouzańv ar prizon ha mervel d'he difenn.
Eveldoc'h, o Sant Patron, d'ar feiz ni vo fidel,
Ya, fidel a wir galon, ha pa ve ret mervel.
- Kantik Itron Vari Trevarn Lannurvan (deiz ar pardon : Yaou Bask)
(ton : ???)
Diskan : Mari hor Mamm, hor Rouanez
Patronez karet hor Bro Breizh-Izel
Sellit ouzhomp gant trugarez
En hon dańjerioł bezit hor skoazell.
I Pa vez ar mor bras kounnaret
Ha pa sko an tarzhioł gwenn
Lagad ar sturier ankeniet
A glask ar werelaouen.
II E Trevarn ez eus ur chapel
Gouestlet deoc'h gant hon tadoł
Amań Lannurvaniz fidel
A gan deoc'h o fedennoł.
III Amań dirazoc'h daoulinet
En o ankenioł gwashań
Nag a dud n'o deus ket gwelet
Ar steredenn o parań.
- Kantik Santez berc'hed a Gildare, patronez Loperc'hed.
he gouel a vez d'ar c'hentań a viz c'hwevrer.
Ton : niv. V eus "Kantigoł brezonek eskopti S. Brieg ha Landreger"
Oberour : Kermorvan (Abad Maurice Colleau)
Aotre da voulań gant J. Cadiou Vikel vras, e Kemper, d'an 18 a viz Kerzu 1947
Diskan :
Santez Berc'hed, hor patronez
Deoc'h e kanomp hol levenez
Hon enor, hor meuleudioł
Hag e kasomp hor pedennoł.
1.- E bro tud vat, eus hor c'herent,
Bro Iwerzhon, Enez ar Sent,
Oc'h bet ganet, Patronez ker,
Pemp kant vloaz goude hor Salver.
2.- Na renk na madoł nag ar bed
Ne gabestront sell ho spered :
Derc'hel d'ho renk a Gristenez
a vo labour kaer ho puhez !
3.- An Aotroł Krist, en Aviel,
Hag er Gomunion santel
A zispak e sked a Zoue
'vel ur bann heol war hoc'h ene
4.- Da vad ebet na da zen
Ne zigorit ho kalon ken,
Nemet d'ho Salver benniget
Hag en deus kement ho karet !
5.- Kuitaat a rit tud ha madoł,
Buhez didrouz hag enorioł
Evit gouestlańkorf hag ene
D'an Aotroł Krist e Kildare !
6.- En-dro d'ho lochenn-leanez
Re all a sav unan ivez
Gwerc'hezed galvet gant Doue
Da fiziout ennoc'h o ene.
7. Neuze, Abadez Kildare,
E verkit dezho, hep dale,
Hent laouen ar sentidigezh,
Ar c'hlanded hag ar baourentez.
8. D'ar c'horf labour, diouzh maz eo ret,
Ar Skridoł Sakr, 'vit ar spered
D'an ene meuleudi Doue
Setu reolenn Kildare.
9. Divrec'h astennet o pediń,
Pedennoł hir, hep damantiń
E dour yen un nozvezh goańv :
Ho pinijennoł n'int ket skańv !
10.- Pebezh levenez koulskoude
Lezel frankiz gant hoc'h ene
da redek war-lerc'h ar Vuhez,
War-lerc'h Doue ar garentez.
11.- Enez ar Sent a drid a-bezh
dirak taolenn ho santelezh !
Bro Iwerzhon ho kemero
'Vit patronez un deiz a vo !
12.- Dre an Europ, hanter c'houez,
Dre vro Arvor, ar Vreizh nevez,
Menec'h Iwerzhon a embann
Keloł mat an Aviel splann.
13.- E pep lec'h e kasont ganto
Skouer ho puhez hag hoc'h ano !
Hon tadoł kozh 'vit o farrez,
Ho tegemer da batronez !
14.- Pebezh enor evidomp-ni
Bezań diwallet ganeoc'h-c'hwi,
Sante brudet er bed a-bezh,
Patronez ur vras ivez !
15.- Evel gwechall, Patronez vat
Diwallit diouzh pep droug dalc'hmat
Hon ti, ar c'hrevier, hol loened
Hor sivi hag hor parkoł ed !
16.- Pesketaerien Roztivieg,
Gant bennozh an Hollc'halloudeg
A ro deoc'h-c'hwi, mamm ar Barrez,
Karg eus o bag , hag o buhez !
17.- Holl dud ar vourc'h, labourerien,
Micherourien, kenwerzhourien,
Tud bet o servijań war vor,
Diganeoc'h e c'hortozont skor !
19.- Ha grit ma vo Loperc'hediz
Gwellań Bretoned ' zo e Breizh
Ha dre ho madelezh bepred
Gwellań Kristenien 'zo er bed !
- Kantik Santez Marc'harid Logonna Daoulaz
Renket a nevez Imprimatur an 2 a viz Kerzu 1913 A Cogneau vikel vras
Diskan : O Marc'harid gwerc'hez
Gwerc'hez ha merzherez
Eus ho tron en Neńvoł
Grit d'hor bugaligoł
Kreskiń war an douar
'Vit Doue hag e c'hloar.
1.- Eus a ur ouenn a baganed
Santez Marc'harid zo ganet
Mes abred eo bet he ene
Eus a ouenn bugale Doue.
2. War ar maezioł e vez gwelet
Bleunioł alaouret, arc'hantet ;
Pa gouezh, en hańv, glizh an Neńvoł,
E tiwanont a vilieroł.
3. Mac'harid, en IIiz santel,
zo diwanet gwellań bugel,
Da reiń meuleudi d'an Dreinded
E renk glorius ar Gwerc'hezed.
4. War ar feiz kelennet e kuzh,
(Ra vezo meulet he vertuz !)
Dirak he zud, dirag ar bed,
Er feiz e chomas stard bepred.
5. En dro dezhi, paotrez vihan,
Ne wele nemet tud payan ;
Mes he c'halon holl da Zoue
N'he doa ken c'hoant nemet an Neńv.
6. Gant yaouankizoł fall ar bed,
Morse ne reas darempred ;
Eus ar blijadur, an enor
E kase diouti pep eńvor.
7. Evel-se kuzhet er pradoł
E chom freskoc'h ar bokedoł ;
Plijout a reont d'an daoulagad ;
A bell e taolont o c'hwezh vat.
8. D'an holl ma plij bugale fur,
Satan n'o c'har ket, a dra sur ;
En dro d'ar bed e c'hwezh brezel,
Da ziouennań an dud santel.
9. Fuloret tad Marc'haridig
O welout he feiz birvidik,
Hep truez ouzh e vugel kaezh
Eus e di he zaolas er maez.
10. Ah ! N'eus na ti, na mamm, na tad ;
N'eus ket er bed-mań un holl vad ;
Aonik bras rak ar pec'hedoł,
E ped he Zad zo en Neńvoł.
11. En an' Doue he magerez
He lojas en he ziegezh ;
Eno ar plac'hig oa karget
Bemdez da ziwall an deńved.
12. Ma oa an deńved dońv o mouezh, Dousoc'h c'hoazh oa hini ar santez,
Kel lies gwech ma lavare
Ur bedenn devot da Zoue.
13. Ar Werc'hez, ar sent, an aelez
He galv da zont en o zouez.
Prestik 'lugerno war he fenn
Kurunenn gaer ar verzherien.
14. Ar sent, en ho c'hurunennoł
N'o deus ket ar memes bleunioł,
O Merzerez, en hoc'h hini
Ne vanko na roz, na lili,
15. Prizon, tan, kleze, dour-bero,
Evit he lakaat d'ar maro
Gant he bourrevien kounnaret
Gwashoc'h-gwashań zo pourchaset.
16. He barner a lavar dezhi :
« Em falez, mar karez sentiń,
Te vo savet d'ur renk uhel ».
- Nann emezi, gwelloc'h mervel !
17. Satan, dre spontailhoł mezhus,
A glask desev pried-Jezuz ;
Mes hi, 'n ur ober sin ar groaz,
Trec'h d'an enebour a chomas.
18. Gwelit skedusań sklerijenn
O parań tro war dro d'he fenn !
En he frizon, sent hag aelez
A zalc'h dezhi kompagnunezh.
19. Da dud divadez ar santez
A zisplegas ar wirionez,
An dud a gred, zo merzheriet,
Hag he unan zo dibennet
20. A denn askell, ar goulm eürus
A nij betek Kalon Jezuz.
He gloar, he vertuz, he gened
Da viken dezhi vo miret.
21 War an douar kanomp dezhi
Ur c'hantik leun a veuleudi ;
E Logonna, en he chapel
Kanomp, kanomp a vouez uhel.
22.- Deut tadoł ha mammoł kristen ;
War ho taoulin, grit ho pedenn.
Diboan e weloc'h ho pugel
Un deiz yac'h pesk en e gavell.
23. Nag un dra bresk eo bugale !
Ret eo warno beilhań noz-de(iz)
Marc'harid sur ho sikouro
Da gas pep drouk diwar o zro.
24. Na breskoc'h c'hoazh eo un ene,
Fiziet ennoc'h gant dorn Doue.
Amań gant ar grasoł skuilhet,
Ar yaouankiz a zo miret.
25. Labourerien ha tud a vor,
En ho kichen a zo digor
Ur chapelig ganeoc'h karet,
Da santez Marc'harid gouestlet.
26. C'hwi kristenien eus Logonna,
C'hwi holl a zeu da bardonań,
'Vel ho tud kozh, bezit fidel
Da reiń aluzen d'ar chapel.
- Kantik Sant Kloda e parrez Plougastell. Daou gantik a zo, da vihanań, hep kontań hini buhez sant Klaoda a zo war ar memes ton war a seblant.
- hini savet gant "Y.M.F.", gant an aotre da voulań a-berzh an Aotrou Serre, vikel vras.
Diskan : Aotrou sant Klaoda, pedit evidomp, Sikour diganeoc'h holl a c'houlennomp.
1 Da vro Plougastell : pell dreist ar menez ez eo deut ar vrud eus ho madelezh.
2 Klevet o deus bet tadoł ha mammoł, C'hwi ro ar pare d'ar vugaligoł.
3 Evit ho Iakaat da reiń dezho skoazell ez eus deoc'h gouestlet sevel eur chapel.
4 War lein ur grec'henn ez eo azezet, Gant eur bodad gwez ez eo goudoret.
5 Hag e harz he zreļd, ar mor, sioul ato, ne c'holoļo ket ar vouezh a bedo.
6 Eno 'vel ur vamm soursius, noz-de, e veilh sant Klaoda war e vugale.
7 Eus Leon, Kerne, alies a bell, Ar belerined a red d'e chapel.
8 E vennozh santel war un tamm bara, ur vad presius d'ar bugel a ra.
9 Ar c'hrouadur kaezh, en e deod dalc'het, a sant hep dale 'mań diliammet.
10 Aotroł sant Klaoda, pa reer deoc'h pedenn, ho peus madelezh da reiń gwellaenn.
(...)
- eil kantik Sant Klaoda (war don : Rouanez Arvor)
! Kelc'het gant ar mor, parrez Plougastel n'hed deus ket he far en hor Breizh-izel.
2 Ar vro-se ken kaer he deus en he c'hreiz tud 'zo kalonek ha start en o feiz.
3 Kazi tro war dro ar mor he diwall diouzh an traoł nevez, ar c'hustumoł fall.
4 E pep korn dezhi, evit he difenn, ez eus eizh chapel : kaerań kurunenn I
5 Savet nemet div e kichen ar mor o deus a bep tu gwez bras d'o goudor,
6 Chapel sant Drenan, ha sant Guenole, Sant Langiz, sant Yann, sant Klaoda ive(z).
7 Chapel Lanngristin, hini sant Tremeur. Hag ar Feunteun-Venn, mat da iliz-veur !
8 Ar chapelioł-se o deus un istor hag a zo bev c'hoazh e meur a vemor.
9 C'hwi, Plougastelliz, selaouit gant joa, penaos 'voe savet chapel sant Klaoda.
10 Markiz a Gergoat, hag e servicher, 'oa gant an Turked o daou prizonier.
I I Pell diouzh e familh, diouzh e holl vadoł, ne baoueze ket e huanadou.
12 E kreiz e anken e klev diskleriań : Sell ! Setu aze da goan ziwezhań.
13 Gra da gańv bremań da vaner Kergoad, d'ar marv, warc'hoazh, ez i mintin mat.
14 O daou d'an daoulin kerkent zo kouezhet Ha da sant Klaoda int 'n em erbedet.
15 Trankil bras neuze ha leun a fiziańs, e c'hedont an eur eus o dilivrańs.
16 Hervez ul lavar, e-pad o c'housket, Sant Klaoda en deus o daou dilivret,
!7 En ur zivunań, ar floc'hig souezhet, "Va mesir, emezan, petra zo c'hoarvezet ?
18 Me glev ar c'hilhog, kilhog ar maner, a lavar sevel da dud ar c'harter.
19 Selu aod Penfoull, ha maner Kergoad, mes dindan hon treid n'hor beus ket a goad !
20 En un neo mean ez omp deut amań I Bennozh, oh bennozh ! Aotrou Sant Klaoda"
21 N'hellent ket krediń e oa an Aotroł rentet d'e Itron, d'e vugaligoł.
22 Kerkent e sońjas seveniń d'al le en devoa graet dirak e Zoue.
23 E raje sevel, el lec'h uhelań, ur chapel en enor da sant Glaoda.
24 E Roztivieg, memes e Kergreac'h, kaer en devoa klask, ne oa ket al leac'h.
25 Rak epad an noz e veze freuzet an holl labourioił en deiz 'veze graet.
26 Evit goūt neuze bolontez ar sant, e stag ouzh ur c'harr daou ejen yaouank
27 En o faltazi o lez da gerzel, ma zeont gant an aod war-zu ar Pedel.
28 Kenderc'hel a reont ebar (???), en hent-se hag en em gavont e traoń ar mene(z).
29 Chom a reont a sa(v), hag e kreiz an drez, daou vean eus ar c'harr d'an douar a gouezh.
30 Eno ur feunteun a zo dianet ha da sant Klaoda a zo konsakret,
31 Mez an daou ejen, bourzu o bale, ken ma erruont war lein ar mene(z)
32 Ganto o-unan ar c'harr zo tumpet ha war an douar ar vein 'zo taolet.
33 Ar merk-se ken sklaer d'an holl a lavar en deus c'hoant eno kaout enor ha gloar.